प्लास्टिक मुक्त अभियानांतर्गत राबवला उपक्रम
जळगांव(प्रतिनिधी)- येथील के.के. उर्दू हाईस्कूल च्या राष्ट्रीय हरित सेनेच्या इको क्लबच्या वतीने प्लास्टिक मुक्त अभियानांतर्गत जनजागृती साठी मुख्याध्यापक शमीम बानो मलिक यांच्या मार्गदर्शनाखाली असोदा रोड स्थित चोबे मार्केट परिसरात विक्रेत्यांना व ग्राहकांना कापडी पिशव्यांचे वाटप करून त्यांना प्लास्टिकचे दुष्परिणाम सांगण्यात आले. तसेच विद्यार्थ्यांनी स्वतः ही प्लास्टिक पिशवी वापरणार नाही व आपल्या नातेवाईकाना ही वापरू देणार नाही, असा संकल्प केला. यावेळी राष्ट्रीय हरित सेनेचे नाजिया शेख, मझहरोद्दीन शेख व इको क्लब च्या विद्यार्थांनी रँलीद्वारे प्रबोधन केले. उपक्रम यशस्वितेसाठी शिक्षक व शिक्षकेतर कर्मचारी यांचे सहकार्य लाभले.
