जळगाव – (प्रतिनिधी) – कवयित्री बहिणाबाई चौधरी उत्तर महाराष्ट्र विद्यापीठाच्या कवयित्री बहिणाबाई चौधरी अध्ययन आणि संशोधन केंद्राच्या प्रमुखपदी डॉ. नितीन बडगुजर यांची निवड मा. कुलगुरू महोदय यांनी केली आहे. कवयित्री बहिणाबाई चौधरी यांचे साहित्याचा प्रचार आणि प्रसार करणे कवयित्री बहिणाबाई चौधरी अध्यासन केंद्राच्या वतीने विविध कार्यक्रमांचे आयोजन करणे हा अध्यासन केंद्राचा मुख्य हेतू आहे. त्याचप्रमाणे बहिणाबाई चौधरी यांच्या साहित्याशी संबंधित संशोधनांना चालना देणे या उद्देशाने अध्यासन केंद्राचे कार्य राहणार आहे. अध्ययन आणि संशोधन केंद्राच्या प्रमुखपदी डॉ.नितीन बडगुजर यांची निवड झाल्याबद्दल शिक्षण क्षेत्रातील व त्यांच्या आप्तेष्टांकडुन त्यांच्यावर शुभेच्छांचा वर्षाव होत आहे.
