खडके बु वार्ताहर। खडके बु ता,एरंडोल येथील श्री दत्त जयंती निमित्त दरवर्षी भरणारा यात्रोत्सव या वर्षी कोरोनाच्या प्रादुर्भाव लक्षात घेता प्रशासनाने रद्द करण्याचा निर्णय घेतला असून याबाबतचे लेखी आदेश काढण्यात आले आहे. खडके बु ता, एरंडोल येथे जवळच असलेल्या टेकडीवर श्री एकमुखी दत्ताचे प्रसिद्ध असे मंदिर आहे, या ठिकाणी अनेक वर्षांपासून यात्रोत्सव होत असतो, या वर्षी दि,२९/१२/२०२० वार मंगळवार रोजी ही यात्रा भरणार होती, मात्र यावर्षी कोरोना या संसर्गजन्य आजाराचा प्रादुर्भाव लक्षात घेता प्रशासनाने दक्षता म्हणून सदरचा यात्रोत्सव रद्द करण्याचा निर्णय घेतला आहे, तरी याठिकाणी येणारे भाविक भक्तांनी येथे व यात्रोत्सव साठी व व्यावसायिक बांधवांनी कोणतेही, दुकाने,मनोरंजनात्मकपाळणे ,खेळणीचे दुकाने, व खाद्यपदाथांचे दुकान आदी न लावण्याचे आवाहन येथील श्री एकमुखी दत्त मंदिर ट्रस्ट यांनी केले सदरहु आदेशाचे उल्लंघन केल्यास संबंधितांवर कायदेशीर कारवाई करण्यात येईल असा इशारा देण्यात आला आहे.
