जळगांव(प्रतिनीधी)- शिव कॉलनी येथील सरस्वती विद्या मंदिर शाळेच्या वतीने छत्रपती शाहू महाराज यांच्या जयंती निमित्त विद्यार्थ्यांनी ऑनलाईन रंगभरण स्पर्धेत सहभागी होऊन शाहू महाराज यांच्या प्रतिमेला उत्कृष्ट व सुंदर रंग भरून शाहू महाराजांना अभिवादन करण्यात आले. कोरोना व्हायरस या भयावह रोगाचा जगभरात व आपल्या देशात थैमान घातले आहे. या करीता देशात तीन महिन्यापासून लॉकडाऊन सुरू आहे. शाळां सुद्धा बंद असल्याने या काळात विद्यार्थ्यांच्या बौद्धिक क्षमता व कला गुणांना वाव मिळावा तसेच शिक्षणाची आवड कमी होऊ नये या उद्देशाने या उपक्रमाचे आयोजन सरस्वती विद्या मंदिर शाळेच्या शिक्षिका सुवर्णलता अडकमोल यांनी या उपक्रमाचे आयोजन केले. या रंगभरण स्पर्धेत सर्व विद्यार्थ्यांनी सहभाग नोंदवला. त्यामध्ये उत्कृष्ट व सुंदर रंगभरण केलेल्या सोनाली बारी, गौरव सुतार, रोशनी बारी, चिराग महाले, विद्या वाणी या विद्यार्थ्यांची निवड करण्यात आली. प्राथमिक व माध्यमिक शाळेच्या मुख्याध्यापिका कल्पना वसाने व दिपाली देवरे यांनी विद्यार्थ्यांचे कौतुक केले. संस्थेचे संस्थापक अध्यक्ष मनोज पाटील यांचे मार्गदर्शन लाभले. विद्यार्थ्यांना शाळा सुरू होईल तेव्हा बक्षीस वितरण करण्यात येणार आहे. असे या कार्यक्रमाचे आयोजक सुवर्णलता अडकमोल यांनी सांगितले.
