जळगाव(प्रतिनिधी)- गोदावरी फाऊंडेशनच्या सचिव तथा स्त्रीरोग तज्ञ डॉ.वर्षा पाटील यांच्या वाढदिवसानिमित्त आयोजित मोफत शस्त्रक्रिया आणि महाआरोग्य शिबिराचा लाभ घेण्यासाठी दोन दिवसात दिडशे रुग्णांची नावनोंदणी करण्यात आली आहे. उद्या ८ ऑक्टोंबर रोजी नावनोंदणीचा समारोप होईल.
शनिवार, ९ ऑक्टोंबर रोजी शस्त्रक्रिया करण्यात येणार आहे. गोदावरी फाऊंडेशन संचलित डॉ. उल्हास पाटील वैद्यकीय महाविद्यालय व रूग्णालयातर्फे गरजु रूग्णांसाठी मोफत शस्त्रक्रिया आणि महाआरोग्य शिबिराचे आयोजन करण्यात आले आहे. शिबिराच्या दुसर्या दिवशीही रुग्णांनी नावनोंदणीस प्रतिसाद दिला असून उपस्थीत सर्वच रुग्णांची नोंदणी करुन घेण्यात आली. याप्रसंगी कोविड नियमांचे पालन करण्यात आले.
शनिवार, ९ ऑक्टोंबरपासून मोफत शस्त्रक्रिया केल्या जाणार आहे. तरी रुग्णांनी या महाशिबिराचा लाभ घ्यावा, असे आवाहन डॉ.उल्हास पाटील रुग्णालय प्रशासनाने केले आहे.
या महाशिबीरात मुतखडा, नाक-कान-घसा शस्त्रक्रिया, कॅन्सरच्या शस्त्रक्रिया, दुर्बिणीद्वारे शस्त्रक्रिया मोफत केल्या जात आहे. तसेच जनरल मेडीसीन महाआरोग्य शिबीरात किडनीचे आजार, ब्रेन हॅमरेज, मेंदूज्वर, फुफ्फुसाचे आजार, न्युमोनिया, दमा, क्षयरोग, विषबाधा, लिव्हर, मलेरीया, मोफत डायलेसीसची सुविधा उपलब्ध करून देण्यात आली आहे. तसेच मेडीसीन शिबीरात ब्रेम हॅमरेजशी संबंधीत उपचारासाठी रूग्णालयात भरती झालेल्या रूग्णांची एमआरआय तपासणी सवलतीत केली जात आहे.
या महाशिबीरात एमसीएच तज्ञ डॉक्टरांकडुन रूग्णांची तपासणी देखील मोफत केली जात आहे. ह्या शिबिरातील नावनोंदणीचा आज समारोप होणार असून शस्त्रक्रिया ९ ऑक्टोबरपासून सुरु होतील. महाशिबीरासाठी विभागनिहाय स्वतंत्र टिम कार्यरत करण्यात आल्या आहेत. रूग्णांसाठी सर्व प्रकारच्या सुविधा एकाच छताखाली असुन त्यामुळे शिबीराचा लाभ घेण्यासाठी गरजु रूग्णांनी त्वरीत आशिष भिरूड ९३७३३५०००९ आणि रत्नशेखर जैन ७०३०५७११११ या क्रमांकावर संपर्क साधुन आजच नाव नोंदणी करून घ्यावी असे आवाहन रूग्णालय प्रशासनातर्फे करण्यात आले आहे.
