जळगाव(प्रतिनिधी)- येथील तापी पाटबंधारे विभागाचे कार्यकारी संचालक अरूण कांबळे यांच्या सेवानिवृत्ती निमित्त नुकताच डॉ बाबासाहेब आंबेडकर नैशनल असोसिएशन ऑफ इंजिनिअर्स ( बांनाई) जळगाव या संघटनेच्या वतीने भव्य सत्कार करण्यात आला. या प्रसंगी बानाई संघटनेचे अभियंते आर जे सुरवाडे, मनोहर तायडे, उमेश बोदडे, सुशांत मेढे, मयुर भोई, विद्याधर भालेराव, सी डी तायडे, व्ही के तायडे, बी के तायडे, अजय निकम, एस पी लोखंडे, ममता सपकाळे,अबोली तायडे आदि उपस्थित होते. जळगाव येथे येण्यापूर्वी अरूण कांबळे हे नागपूर येथे कार्यरत असतांना बानाईच्या जयंत इंगळे, भालाधरे व राहुल परूळेकर यांच्या संपर्कात आले व बानाईत सक्रीय झाले. ग्रंथ वाटपासारख्या सोहळ्यात ते सहपरिवार उपस्थित असत. आपण ज्या समुहातून आलो आहोत, चर्या समुहाचे देणे लागतो अशी त्यांची धारणा होती. श्री कांबळेच्या सेवानिवृत्ती सरकारांच्या हाॅल मध्ये जमलेले अधिकारी, नागरिक यांच्या गर्दीवरुन यांचा प्रत्यय आला. सर बानाई जळगाव चे क्रियाशील सभासद मार्गदर्शक होते. आंबेडकरी चळवळीविषयी भरभरून बोलत. पदाचा गर्व नव्हता. एखाद्या विभागाचा सर्वोच्च अधिकारी आपल्या संघटनेत आहे याचा बानाई जळगाव ला अभिमान आहे व कांबळे साहेबांच्या आठवणी जळगावकरांना चिरकाल स्मरणात राहतील अशी शुभकामना सर्वांनी व्यक्त केली. श्री.कांबळेनी सर्व उपस्थितांचे आभार मानले.
