पाळधी(वार्ताहर)- येथील बांभोरी शिवारातील नॉर्थ महाराष्ट्र नॉलेज सिटी कॉलेज येथे दिनांक 9 रोजी पोलीस भरती 2019 ची लेखी परीक्षा सुरू असताना परीक्षार्थी योगेश रामदास आव्हाड रा. पांझनदेव ता. नांदगाव जि. नाशिक हा परीक्षा हॉलमध्ये मोबाईल बाळगण्यास बंदी असतानाही गुपचुपपणे प्रश्नपत्रिकेचा फोटो व्हाट्सअप द्वारे सागर कांगणे रा.गोंदेगाव ता.निफाड यास पाठवीत होता.
त्याने त्यास उत्तरे व्हाट्सअप द्वारे पाठवली. सदर गैरप्रकार लक्षात आल्याने परीक्षेत होणाऱ्या गैरप्रकारा स प्रतिबंध करणे बाबत अधिनियम नुसार 1982 चे कलम सात व आठ प्रमाणे सुपर विजन करणारे माधुरी महाजन यांनी पाळधी पोलीस दूर क्षेत्रात फिर्याद दिल्याने गुन्हा दाखल करण्यात आला असून पुढील तपास पोलीस निरीक्षक शंकर शेळके यांच्या मार्गदर्शनात एपीआय गणेश बुवा करीत आहे.
