जामनेर – (प्रतिनिधी) – जिल्हाधिकारी अभिजित राऊत व जिल्हाआरोग्य अधिकारी डॉ. भीमशंकर जमादार यांच्या मार्गदर्शनाखाली प्राथमिक आरोग्य केंद्र नेरी येथे आज प्राथमिक आरोग्य केंद्र स्तरावर होणाऱ्या कोरोना लसीकरण कार्यक्रम मोहिमेचा तालुकास्तरीय शुभारंभ करण्यात आला.
तालुक्यात प्राथमिक केंद्र स्तरावरील सर्वात पहिली लस माजी जि.प.अध्यक्ष दिलीप खोडपे व जि.प. सदस्या विद्याताई खोडपे यांना आरोग्य सहाय्यीका जयश्री कुलकर्णी यांच्याकडून देण्यात आली.
तालुका स्तरीय उद्घाटन प्रसंगी तहसीलदार अरुण शेवाळे, गटविकास अधिकारी जे.व्ही.कवळदेवी,तालुका वैद्यकीय अधिकारी डॉ. राजेश सोनवणे, वैद्यकीय अधिकारी डॉ. नरेश पाटील,डॉ. सारिका भोळे, सर्व समुदाय आरोग्य अधिकारी, आरोग्य कर्मचारी उपस्थित होते.
लस घेतल्याबद्दल दिलीप खोडपे याचे तहसीलदार व विद्याताई खोडपे यांचे गटविकास अधिकारी यांच्याकडून पुष्पगुच्छ देऊन अभिनंदन करण्यात आले.
60 वर्षे वरील सर्व नागरिकांना व 45 वर्षे वरील कोमॉरबीड ज्यांच्याकडे रजिस्टर प्रॅक्टिशनर यांचे प्रमाणपत्र आहे त्यांना आपल्या कार्यक्षेत्रातील प्राथमिक आरोग्य केंद्रात ऑनलाईन रजिस्ट्रेशन केल्यानंतर कोरोना लस दिली जाईल.ही प्रक्रिया ऑनलाईन व ऍप वर आधारित आधारित असल्याने यामध्ये बऱ्याच वेळा तांत्रिक अडचणी येऊ शकतात तरी नागरिकांनी सहकार्य करावे व मास्क चा वापर,वारंवार हात धुणे,एकमेकांपासून अंतर ठेवणे व गर्दी न करणे व गर्दीच्या ठिकाणी जाणे टाळणे ह्या नियमांचे पालन लस घेतल्यानंतर ही नागरिकांनी करणे आवश्यक आहे असे आवाहन तालुका वैद्यकीय अधिकारी डॉ. राजेश सोनवणे यांनी आरोग्य विभागाच्या वतीने नागरिकांना केले आहे.
