फैजपुर(प्रतिनिधी) – दि.२७ रोजी तापी परिसर विद्या मंडळ संचलित धनाजी नाना महाविद्यालयात माजी विद्यार्थी स्नेह मेळावा संपन्न झाला. कै. लोकसेवक मधुकरराव चौधरी यांच्या प्रतिमेस माल्यार्पण करून कार्यक्रमाची सुरवात करण्यात आली. यावेळी व्यासपीठावर तापी परिसर विद्या मंडळाचे अध्यक्ष मा.शिरीषदादा मधुकरराव चौधरी, प्राचार्य डॉ.पी.आर.चौधरी, मा.मिलिंद वाघुळदे- तापी परिसर विद्या मंडळ व्यवस्थापन परिषद सदस्य,प्राचार्य तुकाराम बोरोले -अध्यक्ष माजी विद्यार्थी संघटना, मा.गणेश गुरव मुख्याध्यापक , प्रा.डाॅ .जतीन मेढे , प्राचार्य नि रा फेगडे, मा. चंद्रशेखर चौधरी, चंद्रकांतदादा, भाऊराव दादा, माजी विद्यार्थी मंडळाचे समन्वयक उपप्राचार्य प्रा. डी. बी. तायडे, उपप्राचार्य डॉ. उदय जगताप व्यासपीठावर उपस्थित होते. प्रास्ताविक प्रा. डी. बी. तायडे यांनी केले. त्यात त्यांनी सांगितले की, लोकशाही मूल्यांवर आधारीत निर्मिती व्हावी म्हणून या तापी परिसर विद्या मंडळ या संस्थेची व धनाजी नाना महाविद्यालयाची स्थापना करण्यात आली.माजी विद्यार्थ्यांना त्यांच्या महाविद्यालयीन जीवनातील आठवणीनां उजाळा देण्यासाठी माजी विद्यार्थी स्नेह मेळावा आयोजित करण्यात आला असे मत व्यक्त केले. प्राचार्य श्री तुकाराम बोरोले यांनी शिक्षणाशिवाय उत्कर्ष होणार नाही याची जाणीव ठेवून या महाविद्यालयाची निर्मिती झाली आहे. श्रम संस्कार या महाविद्यालयाने जपले आहे. या महाविद्यालयातून ज्यांनी शिक्षण घेतले त्यांनी स्वतःच्या विकासासोबत समाजाचाही विकास केला आहे या संस्थेने अनेक पिढ्या घडविल्या आहेत.म्हणून या संस्थेचा इतिहास जपून ठेवण्याची गरज आहे.असे प्रतिपादन केले. उपप्राचार्य डॉ उदय जगताप यांनी NAAC संदर्भातील आवश्यक माहिती दिली.श्री गणेश गुरव यांनी या महाविद्यालयाने उच्च शिक्षणासोबत लोकशाही मूल्ये दिली. राष्ट्र निर्मिती मध्ये या महाविद्यालयाचे मोठे योगदान आहे. डॉ कल्पना पाटील व मोजेस जाधव सर यांनी मनोगत व्यक्त केले.प्राचार्य डॉ.पी. आर.चौधरी यांनी यावल व रावेर तालुक्यातील आर्थिक, शैक्षणिक विकास या महाविद्यालयाने कसा केला कै. लोकसेवक मधुकरराव चौधरी यांच्या दूरदृष्टीने या परिसरात शिक्षणाची संधी उपलब्ध झाली आहे. या महाविद्यालयाने सामाजिक बांधूलकीचे मूल्य या परिसरातील लोकांना दिले माजी विद्यार्थी संघटनेचे महाविद्यालयावर निष्ठा आणि प्रेम असल्याने या माध्यमातून नव्या पिढीसाठी काही करता येईल असे प्रतिपादन केले.संस्थेचे अध्यक्ष मा. शिरीषदादा मधुकरराव चौधरी यांनी आपल्या मुलांना उच्च शिक्षण घेता यावे यासाठी लोकसहभागातून धनाजी नाना महाविद्यालायची निर्मिती झाली आहे.या महाविद्यालयाचे असंख्य माजी विद्यार्थांनी शिक्षण,समाज, अर्थ, विज्ञान, राजकारण कृषी क्षेत्रात आपलं नाव मोठं केलं आहे. महाविद्यालयात शेतकरी ,शेतमजूर, ग्रामीण दलित आदिवासी विद्यार्थी शिक्षण घेत आहेत याचा मनस्वी आनंद होत आहे बदलत्या काळानुसार नवीन अभ्यासक्रम सुरू केले जात आहेत.पुढील काळात Placement सेल निर्माण करून विद्यार्थ्यांना रोजगाराच्या संधी उपलब्ध करून दिल्या जातील असे प्रतिपादन या प्रसंगी केले. यावेळी बहुसंख्येने माजी विद्यार्थी,विद्यार्थिनी उपस्थित होते सूत्रसंचालन प्रा.कुमुदिनी धांडे,प्रा. राजेंद्र राजपुत यांनी केले तर आभार प्रा.डॉ कल्पना पाटील यांनी केले.
