एरंडोल – (प्रतिनिधी) – येथील नगरसेवक डॉ नरेंद्र ठाकूर व डॉ गीतांजली ठाकूर ह्यांनी सुखकर्ता फाउंडेशन मार्फत एरंडोल परिक्षेत्रात कोरोना महामारीच्या काळात आरोग्यक्षेत्र , वैद्यकीय प्रबोधन , जनजागृती व सामाजिक कार्यात केलेल्या उल्लेखनीय सेवेबद्दल मुंबई येथील राजभवन ह्याठिकाणी एका दिमाखदार समारंभात माननीय राज्यपाल महोदय श्री . भगतसिंहजी कोशियारीजी ह्यांच्या शुभहस्ते सन्मानपत्र व पुष्पगुच्छ देऊन डॉ नरेंद्र ठाकूर ह्यांचा सन्मान करण्यात आला !
महाराष्ट्र राज्यातील पन्नास खाजगी वैद्यकीय व आरोग्य क्षेत्रातील विविध शाखेतील डॉक्टर्स , आरोग्यसेवक व फार्मसी व्यावसायिक ह्यांचा ह्या कोरोनावीर सन्मानसोहळ्यात समावेश होता !
राजभवन , मुंबई येथे शासकीय प्रोटोकालानुसार हा सन्मानसोहळा दिनांक २७ डिसेंबर रोजी पार पडला !
माननीय राज्यपाल महोदय ह्यांनी ह्याप्रसंगी कोरोनाकाळात
ह्या कोरोनावीरांनी केलेल्या कार्याची दखल इतिहास निश्चित घेईल आणि ह्यापुढेही मनुष्य सेवा हीच ईश्वर सेवा मानून सर्व कोरोनावीर व वीर नारींनी आपले कार्य सुरु ठेवावे असे आवाहन करून शुभेच्छा दिल्या !
एरंडोल परिक्षेत्रात सुखकर्ता फाउंडेशन ह्या सेवाभावी संस्थेमार्फत स्वनिधीतून विविध आरोग्य व समाजोपयोगी उपक्रम हे दाम्पत्य राबवित असतात ! डॉ नरेंद्र व डॉ गीतांजली ठाकूर ह्यांना ह्यापूर्वी हि विविध पुरस्कार व सन्मान प्राप्त झालेले असून ,राज्याच्या सर्वोच्च संवैधानिक पदावरील महनीय नेतृत्वाकडून मिळालेला ह्या कोरोनावीर सन्मान मिळाल्याबद्दल डॉ नरेंद्र व डॉ गीतांजली ठाकूर ह्यांचे वैद्यकीय , सामाजिक , राजकीय व सांस्कृतिक क्षेत्रातून अभिनंदन होत आहे !
