लोकसेवक मधुकरराव चौधरी समाजकार्य महाविद्यालय जळगाव येथील समाजकार्य प्रशिक्षणार्थींचा नाविन्यपूर्ण उपक्रम संपन्न झाला आहे.
जळगाव – (प्रतिनिधी) – दिनांक 16 सप्टेंबर 2025 धनाजी नाना चौधरी विद्या प्रबोधिनी संचलित लोकसेवक मधुकरराव चौधरी समाजकार्य महाविद्यालय जळगाव. येथील एम.एस.डब्ल्यू द्वितीय वर्षातील विद्यार्थी ममुराबाद ग्रामपंचायत, तालुका जिल्हा जळगाव येथे आठवड्यातील दोन दिवस बुधवार आणि गुरुवार क्षेत्रकार्य करतात.
या अनुषंगाने 16 सप्टेंबर 2025 रोजी पंडित जवाहरलाल नेहरू विद्यामंदिर, ममुराबाद येथे इयत्ता आठवी, नववी व दहावीच्या मुलींसाठी “किशोरवयीन मुलींचे स्वास्थ आणि मासिक पाळीतील स्वच्छता , HIV AIDS जनजागृती” या विषयावर व्याख्यानाचे आयोजन करण्यात आले होते. यासाठी साधन व्यक्ती म्हणून जिल्हा सामान्य रुग्णालय येथील जिल्हा एड्स नियंत्रण व प्रतिबंध विभाग येथील समुपदेशक श्रीमती रूपाली दीक्षित, श्रीमती मनिषा वानखेडे आणि श्रीमती निशिगंधा यांनी विद्यार्थिनींना मार्गदर्शन करताना सांगितले की,महिला या उद्याच्या सुज्ञ नागरिक असून, त्यांनी वैयक्तिक आरोग्याची काळजी घेणे अत्यंत गरजेचे आहे. उद्याची संस्कारित पिढी निर्माण करण्यासाठी आजची पिढी सुदृढ व आरोग्याची काळजी घेणारी असली पाहिजे. यासाठी अनेक उदाहरणे देऊन मुलींना सखोल मार्गदर्शन केले. त्यावेळी क्षेत्रकार्य प्रशिक्षणार्थी साक्षी कोसोदे, मुस्कान तडवी, सरिता ताडे , सागर काटोल, आणि जयसिंग पावरा तसेच शाळेतील मुख्याध्यापक श्रीमती. अनिता सोळुंके महाजन उपस्थित होते. कार्यक्रमाचे मार्गदर्शन क्षेत्रकार्य समन्वयक व पर्यवेक्षक प्रा.डॉ. शाम सोनवणे यांच्या कडून मिळाले. कार्यक्रमाचे सूत्रसंचालन एम.एस.डब्ल्यू द्वितीय वर्षांतील प्रशिक्षणार्थी साक्षी कोसोदे यांनी केले. आणि आभार प्रदर्शन एम.एस. डब्ल्यू द्वितीय वर्षांतील प्रशिक्षणार्थी मुस्कान तडवी यांनी केले.
