जळगाव – (प्रतिनिधी) – येथील गेल्या १० वर्षापासून जळगाव शहराच्या सर्वांगीण विकासासाठी व सर्वसामान्य जनतेमध्ये लोकप्रिय असलेले महायुतीचे अधिकृत उमेदवार आ.सुरेश दामू भोळे (राजू मामा) यांना पुन्हा भाजपा ने तिसऱ्यांदा उमेदवारी देऊन मामांना शहराचा विकास करण्याची संधी दिलेली आहे.
उद्या वसुबारस च्या शुभ मुहूर्तावर दिनांक २८ ऑक्टोबर सोमवार रोजी सकाळी १०:३० वाजता आमदार राजूमामा भोळे यांचा उमेदवारी अर्ज दाखल करणार असून महायुतीच्या नेत्यांच्या उपस्थितीत भव्य शक्ति प्रदर्शनाद्वारे उमेदवारी अर्ज दाखल करणार आहे.
या प्रसंगी मा.ना.गिरीश महाजन, केंद्रीय क्रीडामंत्री ना.रक्षा खडसे, ना.गुलाबराव पाटील, मा.ना. अनिल भाईदास पाटील, खा.स्मिताताई वाघ, RPI(A) गटाचे अनिल अडकमोल, जळगाव ग्रामीण जिल्हाध्यक्ष ज्ञानेश्वर जळकेकर महाराज, महानगराध्यक्षा सौ.उज्वलाताई बेंडाळे, तसेच राष्ट्रवादी (अजित दादा) शिवसेना (शिंदे गट) व महायुतीचे सर्व पदधिकारी नगरसेवक, महिला युवक, व कार्यकर्त्य मोठ्या संख्येसह उपस्थित रहाणार असून अर्ज दाखल करण्याचा मार्ग असा राहील शिवतीर्थ चौक, व भाजपा कार्यालय (जी. एम. फाउंडेशन) नेहरू चौक डॉ बाबासाहेब आंबेडकर चौक, रेल्वे स्टेशन टॉवर चौक प्रकाश मेडिकल चौक बळीराम पेठ वसंत स्मृती,भाजप कार्यालय जुने येथे समारोप होईल व तहसील कार्यालयात आ. सुरेश भोळे (राजु मामा)हे उमेदवारी अर्ज दाखल करणार असल्याचे प्रसिद्धी माध्यमांना कळविले आहे.
