जळगांव(प्रतिनिधी)- महाराष्ट्र राज्य विधानसभेचे विरोधी पक्ष नेते देवेंद्र फडणवीस यांनी अंडरवर्ल्डशी त्यांचे असलेले संबंध आणि मुख्यमंत्री असतांना त्यांनी सत्तेचा केलेला गैरवापर बघता त्यांनी नैतिकतेच्या आधारावर विरोधी पक्ष नेते पदाचा राजीनामा द्यावा अशी मागणी राष्ट्रवादी काँग्रेस पार्टीचे महानगर जिल्हाध्यक्ष अशोक लाडवंजारी यांनी केली आहे.
देवेंद्र फडणवीस मुख्यमंत्री असतांना त्यांच्या मंत्री मंडळातील महसूल मंत्री एकनाथराव खडसे यांच्यावर दाऊदच्या बायकोशी फोनवर संभाषण केल्याचे आरोप होताच फडणवीस यांनी त्यांचा राजीनामा घेतला त्याच आधारावर फडणवीस यांनी देखील राजीनामा द्यावा. नवाब मलिक यांच्या आरोपांवरून असे लक्षात येते की, महाराष्ट्रात दाऊदच्या माणसांना देवेंद्र फडणीसांनी अभय दिले आहे व त्यांच्याच मार्गदर्शनाखाली काही लोकांसोबत अनेक गैरव्यवहार केलेत आणि खंडण्या मागितल्या आहेत. तरी त्यांनी राजीनामा द्यावा. अशी मागणी राष्ट्रवादी काँग्रेस पक्षाचे जळगाव महानगर जिल्हाध्यक्ष श्री. अशोक लाडवंजारी व अमोल कोल्हे यांनी केली आहे.
