मस्कावद-(प्रतिनिधी) – सोशलवर्कर स्टुडंट फाँउंडेशन जळगांव जिल्हा अध्यक्ष आकाश धनगर व उपजिल्हाध्यक्ष प्रतीक हरीमकर यांच्या उपस्थित ऑनलाईन पध्दतीने झालेल्या बैठकीत रावेर तालुकाध्यक्षपदी मस्कावद येथील हर्षा सरोदे यांची एकमताने निवड जाहीर करण्यात आली.
सोशल वर्क स्टुडंट फाउंडेशन ही संघटना विद्यार्थ्यांच्या न्याय, हक्क आणि अधिकारासाठी लढणारी आहे. विद्यार्थ्यांचे शैक्षणिक प्रश्न, अडचणी निवारण्यासाठी कार्य करून त्यांना न्याय देण्याचा या संघटनेचा मुख्य उद्देश आहे. रावेर तालुकाध्यक्ष या नात्याने आपल्याला कोणत्याही प्रकारची शैक्षणिक, कायदेशीर सल्ला तसेच रोजगार संदर्भात मदत हवी असेल तर सोशल वर्क स्टुडंट फाउंडेशनच्या माध्यमातून प्रयत्न करेल असे हर्षा सरोदे यांनी सांगितले. त्यांच्या निवडीबद्दल महाराष्ट्र राज्य सोशल वर्क स्टुडंट फाँउंडेशनचे संस्थापक अध्यक्ष तुषारजी जाधव, महाराष्ट्र राज्याचे प्रदेश अध्यक्ष साजिदजी शेख, जळगाव जिल्हाध्यक्ष आकाश धनगर, उपजिल्हाध्यक्ष प्रतीक हरीमकर व समाजकार्यकर्त्यांनी हर्षा सरोदे यांचे अभिनंदन करून भावी वाटचालीस शुभेच्छा दिल्या.
