<
मुक्ताईनगर(प्रतिनीधी)- नुकत्यात येथील मन्यारखेडा या गावातून एक महिला कोराना पाँझीटिव्ह आल्याने संपुर्ण तालुक्यात एकच भितीचे वातावरण निर्माण झाले आहे. सर्वत्र लाँकडाऊन असून तसेच दिवसेंदिवस जिल्ह्यात कोरोना रुग्णांची वाढ होत असताना देखील वडोदा येथील ग्रामस्थांना याचा काहीही एक फरक दिसून येत नाही. येथील स्थानीक नागरिक निर्धास्तपणे बाहेर फिरताना, मोटार सायकल फिरवताना दिसत आहे. तर ग्रामप्रशासन याची कुठलीही दखल घेत नसून येणारा संकट हे टाळता येणार नसून कोरोना सारख्या मोठ्या संकटाला सामोरे जाण्याची शक्यता नाकारता येत नाही. त्यामुळे गावातील युवकांनी व खिरोळकर परीवाराने गावबंदी केली असून, तसेच गावातील नागरिकांनी कोरोना या आजाराचा प्रादुर्भाव रोखण्यासाठी सहकार्य करावे असे आवाहन केले आहे. या गावबंदी साठी समस्त खिरोळकर परिवारासह, संदीप, मनोज, उमेश, प्रदीप, मंगेश, प्रविण, विकास, अरविंद, अमोल, ज्ञानू, विजय, महेश, अमर, विशाल, अविनाश, बंटी, गणेश आदी युवकांचे सहकार्य लाभत आहे.
