<
जळगाव – (जिमाका) – नुकत्याच प्राप्त झालेल्या कोरोना तपासणी अहवालानुसार जिल्ह्यातील संशयित रुग्णांपैकी 68 व्यक्तींचे तपासणी अहवाल प्राप्त झाले आहे.
यापैकी 62 व्यक्तींचे तपासणी अहवाल निगेटिव्ह आले आहेत.
तर सहा व्यक्ती कोरोना बाधित आढळून आल्या आहेत.
आज आढळून आलेल्या 6 कोरोना बाधित व्यक्तींमध्ये भुसावळच्या दोन व्यक्ती तर (जोशीपेठ) जळगाव, पाचोरा, अमळनेर व अडावद, ता. चोपडा येथील प्रत्येकी एका व्यक्तीचा समावेश आहे.
जिल्ह्यात आतापर्यंत करोना पॉझिटिव्ह रूग्णांची संख्या 37 झाली आहे. यापैकी दहा व्यक्तींचा मृत्यू झाला आहे. एक रूग्ण कोरोना मुक्त झाल्याने त्याला घरी सोडण्यात आले आहे.
आता प्राप्त झालेल्या निगेटिव्ह अहवालातील 51 व्यक्तींपैकी 16 व्यक्ती या अमळनेरच्या, 6 व्यक्ती पाचोरा, 4 व्यक्ती भुसावळच्या तर उर्वरित जळगावच्या आहेत. अशी माहिती शासकीय वैद्यकीय महाविद्यालयाच्या प्रशासनाने दिली आहे.
