<
जामनेर(शांताराम झाल्टे)- तालुक्यातील काही गावी 7 या रोजी अतिवृष्टी पावसा मुळे नुकसान झाले होते. या नुकसान भागाची पाहणी करण्यासाठी राष्ट्रवादी काँग्रेस पार्टीचे जिल्हा नेते आदरणीय संजय गरुड यांनी प्रत्यक्ष सावरला येथे शेती नुकसानीची पाहणी केली असता त्यांनी सांगितले की माननीय मुख्यमंत्री व जलसंपदा मंत्री जयंत पाटील यांच्याशी चर्चा केली आहे.
जामनेर तालुक्यातील शेतकरी बांधवांना लवकरात लवकर नुकसान भरपाई देण्यात यावी.तसेच ज्या शेतकऱ्यांचे नुकसान झाले आहे त्यांनी नुकसानीचे पंचनामे करून घ्यावे. नुकसान भागाची पाहणी करण्यासाठी राष्ट्रवादी काँग्रेस पार्टीचे जिल्हा नेते संजय गरुड सोबत राष्ट्रवादी काँग्रेस पार्टीचे जामनेर तालुका विधानसभा क्षेत्र प्रमुख किशोर पाटील होते. तसेच जागृत अपंग संघटनेचे संस्थापक तथा अध्यक्ष सावरला गावातील रहीवाशी विश्वनाथ सुरळकर, ग्रामपंचायत सरपंच प्रकाश सोनवणे, सदस्य गणेश पाटील, सदस्य दिनेश पाटील, राष्ट्रवादी काँग्रेस पार्टीचे कार्यकर्ते विजय सपकाळ, आंनद सपकाळ, विकास सोनवणे, व शेतकरी बांधव मोठ्या संख्येने उपस्थित होते.
