रायगड(प्रतिनिधी)- मुख्यमंत्री उद्धव ठाकरे यांच्यावर वादग्रस्त टिका केलेल्या व जामीनावर असलेले केंद्रीय मंत्री नारायण राणे आज अलिबागमधील रायगड जिल्ह्यातील पोलीस अधिक्षकांच्या कार्यालयात हजेरी लावणार आहे. नारायण राणे हे त्यांच्या मुबंईच्या निवास्थानावरून अलिबागच्या दिशेने रवाना झाले आहेत.
मुख्यमंत्री उद्धव ठाकरे यांच्याबद्दल केलेल्या वादग्रस्त विधानावर राणे यांचा जबाब आज नोंदवून घेतला जाणार आहे. नारायण राणे अटक आणि सुटका प्रकरणानंतर आज पहिल्यांदाच पोलीस अधिक्षकांच्या कार्यालयामध्ये हजेरी लावणार आहेत. आज अलिबागमध्ये नारायण राणे येणार असल्यामुळे मोठा पोलीस बंदोबस्त ठेवण्यात आला आहे.
