<
अमळनेर(प्रतिनिधी)- तालुक्यातील चौबारी येथील सुरज रवींद्र मोरे याची निवड आयआयटी-जेईई नीट परीक्षेच्या तयारीसाठी एक्स नवोदय फाउंडेशन, वाराणसी, उत्तरप्रदेश येथे झाली आहे. सुरज हा इयत्ता ६ वी पासून नवोदय विद्यालय, भुसावळ येथे शिक्षण घेत आहे.
इयत्ता १० वीला असताना दक्षणा फाउंडेशनतर्फे काही विद्यार्थ्यांची स्कॉलरशिप स्पर्धा परीक्षा घेण्यात आली होती. त्यात सुरज मोरेसह इतर तालुक्यातील अजून दोन विद्यार्थ्यांनी उत्तुंग यश गाठले असून त्यांची आयआयटी-जेईई नीट या स्पर्धा परीक्षेच्या तयारीसाठी निवड झाली आहे. सुरजचा पुढील संपूर्ण शैक्षणिक खर्च केंद्र शासनातर्फे होणार आहे. सुरजला नवोदय विद्यालय, भुसावळचे प्राचार्य डॉ. रवींद्र खंडारे आणि शिक्षिका अलका मस्की यांचे मार्गदर्शन लाभले. त्याच्या यशाबद्दल सर्वत्र कौतुक होत आहे.
