जळगाव(प्रतिनिधी)- मानवतावादी नेते म्हणून ख्याती असलेले राष्ट्रीय मानव अधिकार अपराध आणि भ्रष्टाचार विरोधी ब्यूरोचे संस्थापक आणि राष्ट्रीय अध्यक्ष मोहित गुप्ता हे महाराष्ट्र राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांना सदिच्छा भेट देण्यासाठी आज त्यांच्या निवासस्थानी आले होते. यावेळी मोहित गुप्ता यांनी पालकमंत्री गुलाबराव पाटील यांना NHRACACB सन्मान चिन्ह देऊन सत्कार केला.
यावेळी गुप्ता यांनी पालकमंत्र्यांशी सामाजिक विषयावर चर्चा केली. त्यांना ब्यूरोचा उद्देश आणि कार्यपद्धत सांगितली. मंत्री गुलाबराव पाटील यांनी मोहित गुप्ता तसेच ब्यूरोला शुभेच्छा देऊन त्यांचे मोहित गुप्ता तसेच ब्यूरोला सहकार्य राहील असे आश्वासित केले. तसेच मंत्री गुलाबराव पाटील यांनी त्यांना पुन्हा एकदा भेटण्यासाठी त्यांच्या मुंबईतील शासकीय निवासस्थानी बोलावलं आहे. असे मोहित गुप्ता यांनी सांगितले. प्रसंगी संघटनेच्या वतीने श्री.गुप्ता यांच्यासह संघटनेचे जळगाव जिल्हा कार्यकारिणी सदस्य विजय भारंबे, ॲडमिन अक्षय ब्राम्हणे, शरद कोळी, शिवसेना नगराध्यक्ष कडू पाटील आदी पदाधिकारी उपस्थित होते.
