शहरात सीसीटीव्ही कॅमेरे बसविण्यासाठी भडगांव महिला दक्षता समितीचे आमदारांना निवेदन

भडगांव (प्रतिनिधी) : भडगाव महिला दक्षता समितीच्या वतीने आमदार किशोर पाटील यांना भडगाव शहरातील महत्वाच्या 25 ठिकाणी सीसीटीव्ही कॅमेरे बसविण्यात यावेत यासाठी महिला दक्षता समितीने निवेदना द्वारे मागणी केली आहे.

यापूर्वी पाचोरा शहरात सीसीटीव्ही बसवण्यासाठी आमदार निधीतून निधी देण्यात आलेला होता परंतु भडगाव शहरात निधी देण्यात आला नाही. याबाबत महिला दक्षता अध्यक्ष्या योजना पाटील, उपाध्यक्षा मिना बाग, सदस्या अनुक्रमे ज्योती पाटील, रेखा पाटील, नूतन पाटील, सुशिला पाटील, साजेदा शेख़ आदि महिला सदस्यानी आमदारांना भडगांव शहरात सीसीटीव्ही साठी त्वरित निधी उपलब्ध करून अवैद्य बाबींना आळा बसावा यासाठी व सुरक्षतेबाबत् सदर विषय अत्यंत महत्वाचा असल्याचे निवेदनात नमूद केले आहे.