सौ. रजनीताई नानासाहेब देशमुख कला, वाणिज्य व विज्ञान महाविद्यालयात छत्रपती शिवाजी महाराज यांची जयंती उत्साहात साजरी करण्यात आली. पाचोरा तालुका सहकारी शिक्षण संस्थेचे ज्येष्ठ संचालक दत्तात्रय माणिकराव पवार यांच्या हस्ते छत्रपती शिवाजी महाराजांच्या प्रतिमेला माल्यार्पण करून त्यांना अभिवादन करण्यात आले.
यावेळी कार्यक्रमाचे अध्यक्षस्थानी प्राचार्य डॉ. एन. एन. गायकवाड होते. इतिहास विभागप्रमुख डॉ. सी. एस. पाटील यांनी यावेळी आपले मनोगत व्यक्त केले. त्यांनी छत्रपती शिवाजी महाराजांच्या बालपणापासून तर राज्याभिषेकापर्यंतच्या घटनांचा आढावा आपल्या व्याख्यानात घेतला. प्राचार्य डॉ. एन.एन. गायकवाड यांनी आपले अध्यक्षीय मनोगत व्यक्त केले. कार्यक्रमाचे सूत्रसंचालन उपप्राचार्य प्रा. एस. आर. पाटील यांनी तर आभारप्रदर्शन राष्ट्रीय सेवा योजना कार्यक्रम अधिकारी प्रा. जी.एस. अहिरराव यांनी केले. याप्रसंगी महाविद्यालयातील प्राध्यापक व प्राध्यापकेतर कर्मचारी उपस्थित होते.
