<
जळगाव (प्रतिनिधी) केशवस्मृती प्रतिष्ठान व आर. सी. बाफना फाऊंडेशन संचलित मांगिलालजी बाफना नेत्रपेढीच्या वतीने जागतिक महिला दिनाचे औचित्य साधत शहरातील नंदिनीबाई वामनराव मुलीचे विद्यालय व ज्यु. कॉलेज येथे मोफत नेत्रतपासणी शिबिराचे आयोजन करण्यात आले होते.
शिबिराचे उद्घाटन प्राचार्या चारुलता पाटील यांचे हस्ते झाले. यावेळी ८५ विद्यार्थीनींची नेत्र तपासणी करण्यात आली. शिबिर यशस्वीतेसाठी विद्यालयाचे सुनिल चोपडे, प्रदिप वाणी बाफना नेत्रपेढीचे किरण तोडकरी, ईश्वर महाजन, गौरव तायडे यांचे सहकार्य लाभले.
