वाघोदा परिसरामध्ये आज झालेल्या वादळामुळे केळी पिकाचे नुकसान

वाघोदा – (वार्ताहर -) येथील मोठा वाघोदा परिसरामध्ये झालेल्या मान्सूनपूर्व वादळी पावसामुळे केळी बागांचे मोठ्या प्रमाणावर नुकसान झाले आहे.

आज दिनांक आठ सहा 2022 रोजी दुपारी पाच वाजेच्या सुमारास वाघोदा परिसरामध्ये जोरदार वादळामुळे केळी पिकाचे मोठ्या प्रमाणावर नुकसान झाले असून केळीचे खोड मोडून पडले आहे. या वादळामुळे शेतकरी चिंतेत आहे सध्या शेती हा व्यवसाय पूर्णतः निसर्गावर अवलंबून असल्याने शेतकऱ्यांचे नियोजन फेल होत आहे. सदर नुकसानीचे पंचनामे करण्यात यावे अशी मागणी शेतकरी करीत आहेत.