<
कांदा मुळा भाजी ।अवघी विठाबाई माझी॥१ ॥
लसूण मिरची कोथिंबिरी । अवघा झाला माझा हरी ॥ २ ॥ मोट नाडा विहीर दोरी । अवघी व्यापिली पंढरी ॥ ३ ॥ सावता म्हणे केला मळा । विठ्ठल पायीं गोंविला गळा ॥ ४
यावल – (प्रतिनिधी) – येथे महाराष्ट्रातील वारकरी संप्रदायातील थोर संत श्री संत सावता माळी महाराज यांच्या पुण्यतिथी निमित्त विविध कार्यक्रमाचे आयोजन केले होते सदर कार्यक्रमाचे आयोजन श्री. संत सावता माळी समाज बहुद्देशीय मंडळ, माळी वाडा व्यासनगरी (यावल ) यांनी केले होते. या कार्यक्रमाचे अध्यक्ष म्हणून श्री. डॉ. कुंदन फेगडे होते. या कार्यक्रमाचे उद्धघाटन डॉ कुंदन फेगडे यांच्या हस्ते श्री. संत सावता माळी महाराज यांच्या मूर्तीचे पूजन करून करण्यात आले.
या वेळी गुणवंत विद्यार्थ्यांचे पुष्पगुच्छ व प्रमाणपत्र देऊन सत्कार करण्यात आला. या प्रसंगी माळी समाज यावल शहर अध्यक्ष श्री रमेश महाजन, उपाध्यक्ष श्री सुभाष माळी, श्री.नारायण माळी, श्री. बाळू माळी, श्री. किशोर माळी, श्री संत सावता माळी समाज बहुद्देशीय मंडळ यावल, महात्मा ज्योतिबा फुले युवा लेझीम मंडळ, सावित्रीबाई फुले महिला मंडळ, नाथ संप्रदाय भजनी मंडळी व गुणवंत विद्यार्थी आदींची उपस्थिती होती.
