<
जळगाव – (प्रतिनिधी)
तालुक्यातील चिंचोली गावाजवळ सुसाट धावणाऱ्या कारने एसटी बसला धडक दिली. सुदैवाने या अपघातात जीवितहानी टळली आहे.
मिळालेल्या माहितीनुसार, जळगाव आगारातून (एमएच २० बीएल ३५९०) ही बस दुपारी जळगावहून पैठणला जाण्यासाठी निघाली. तालुक्यातील चिंचोली गावाजवळून दुपारी ४.३० वाजेच्या प्रवाशी घेवून जात असतांना समोरून भरधाव वेगाने येणारी कार क्रमांक (एमएच ०५ बीएल ००२५) ने बस ला जोरदार धडक दिली.
दरम्यान, या अपघातात जीवितहानी टळली व कोणालाही दुखापत झाली नाही, परंतु यात कार व बस या दोन्ही वाहनांचे नुकसान झाले आहे.
याप्रकरणी बसचालक मच्छिंद्र सांगळे (रा. माळेगाव ता. शिरूर जि. बीड) यांनी एमआयडीसी पोलीस ठाण्यात धाव घेतली असून, अज्ञात कारचालकविरुद्ध तक्रार दाखल करण्यात आला आहे.
