<
जळगाव – (प्रतिनिधी) – येथे सामाजिक न्याय व विशेष सहाय्य विभागामार्फत समता पर्वाच्या अनुषंगाने डॉ. बाबासाहेब आंबेडकर सामाजिक न्याय भवन, जळगाव येथे समाज कल्याण सहायक आयुक्त योगेश पाटील यांच्या उपस्थितीत दि. १.१२.२०२२ रोजी जिल्हयातील पत्रकारांची कार्यशाळा संपन्न झाली.
समाज कल्याण विभागाच्या वतीने दि. २६ नोव्हेंबर ते ६ डिसेंबर या दरम्यान “समता पर्व” साजरा केला जात आहे. त्यादरम्यान पत्रकारांना सामाजिक न्याय विभागाची नवी दिशा या विषयावर कार्यशाळा आयोजीत करुन सहायक आयुक्त, श्री. योगेश पाटील यांनी समाज कल्याण विभागात होणा-या नवनवीन बदलांची माहिती दिली.
यामध्ये संवाद उपक्रम, मिशन काबील, ऊसतोड कामगार, तृतीयपंथीय, स्वाधार योजना अशा विविध योजनांची माहिती पावर पॉईंट प्रेझेंटन द्वारे समाज कल्याण विभागाने राबविलेल्या विविध उपक्रमांची माहिती दिली तसेच समाज कल्याण जिल्हा परिषद विभागाची विभागात विविध योजनांची माहिती श्री. भरत चौधरी वैद्यकीय सामाजिक कार्यकर्ता यांनी दिली. सदर कार्यक्रमास पत्रकार बहुसंख्येने उपस्थित होते.
