<
बांभोरी गावाचे सरपंच सचिन बिऱ्हाडे व भीमज्योत मित्र मंडळ यांच्या वतीने महात्मा फुले व डॉ. बाबासाहेब आंबेडकर यांच्या गुरुशिष्य जयंती निमित्त बांभोरी येथील गावातील विद्यार्थ्यांना शालेय साहित्य ( वही , पुस्तक व पेन ) वाटप करण्याचा उपक्रम राबविण्यात आला . कार्यक्रमाच्या अध्यक्षस्थानी महाराष्ट्र जनक्रांती मोर्चाचे अध्यक्ष मुकुंदभाऊ सपकाळे असुन प्रमुख अतिथी म्हणुन धरणगाव पंचायत समितीचे माजी सभापती मुकुंदभाऊ नन्नवरे ,पाळधी पोलीस स्टेशनचे सहायक पोलीस निरीक्षक सचिन शिरसाठ,विर सावरकर रिक्षा युनियनचे अध्यक्ष दिलीपभाऊ सपकाळे , कास्ट्राईबचे संघटनेचे रमेश सोनवणे,चिंचपुरा सरपंच कैलास पाटील,मराठा समाज तालुकाध्यक्ष अमोल पाटील,ग्रामपंचायत सदस्य संदीप कोळी,जगदीश नन्नवरे,अमोल नन्नवरे,हिरामण नन्नवरे,गणेश नन्नवरे मंचावर उपस्थित होते .
मान्यवरांच्या हस्ते महात्मा फुले व डॉ.बाबासाहेब आंबेडकर यांच्या प्रतिमेला पुष्पहार अर्पण करून व दिपप्रज्वलन करून कार्यक्रमाचा शुभारंभ करण्यात आला .
मुकुंदभाऊ सपकाळे यांनी आपल्या अध्यक्षीय भाषणात ” शिक्षण हे वाघिणीचे दूध आहे जो ते घेईल तो वाघाप्रमाणे गुरगुरेल ” या बाबासाहेबांच्या वाक्याची आठवण करून देत विद्यार्थ्यांनि उत्तम शिक्षण घेऊन उच्च पदावर जाऊन प्रगती करण्यासाठी प्रोत्साहित केले.
सदर कार्यक्रमाचे प्रास्ताविक सचिन बिऱ्हाडे यांनी तर सुत्रसंचलन रवींद्र सोनवणे यांनी करुन आभार प्रदर्शन ज्ञानेश्वर साळवी यांनी केले . कार्यक्रमाच्या यशस्वीतेसाठी मुख्याध्यापिका माया आमोदकर , मनोहर पाटील, अविनाश पाटील,उषा सुर्यवंशी,मनिषा पाटील,दिपमाला ठाकूर इ.शिक्षकवृद व अक्षय सपकाळे,अजय तायडे,महेश बनसोडे,कैलास भिल,पवन पवार व भीमज्योत मित्रमंडळाच्या कार्यकर्त्यांनी परिश्रम घेतले .
