<
ना. गिरीशभाऊ महाजन यांच्या उपस्थितीत प्रवेश – जळगाव जिल्ह्यातील अमळनेर तालुक्यातील राजकारणात खळबळ
अमळनेर-(प्रतिनीधी) – आज काँग्रेसच्या प्रदेश सरचिटणीस अ‍ॅड. ललिता पाटील यांनी ना. गिरीशभाऊ महाजन यांच्या उपस्थितीत जामनेर येथे झालेल्या मेळाव्यात भाजपमध्ये प्रवेश केला आहे. यावेळी अमळनेर विधानसभेचे भारतीय जनता पार्टीचे अधिकृत उमेदवार आ. शिरीष चौधरी व आमदार स्मिताताई वाघ उपस्थित होते. या प्रवेशामुळे अमळनेरच्या राजकारणात प्रचंड खळबळ उडाली आहे.
सविस्तर माहिती अशी की आज जामनेर येथे भारतीय जनता पार्टीचा मेळावा आयोजित करण्यात आलेला होता. या मेळाव्यात जळगाव जिल्ह्यातील काँग्रेसच्या प्रदेश सरचिटणीस अ‍ॅड. ललिताताई पाटील, युवक काँग्रेसचे प्रदेश सचिव पराग पाटील, युवक काँग्रेसचे तालुकाध्यक्ष अमोल माळी, युवक काँग्रेसचे जिल्हा महासचिव हर्षल जाधव, ब्राह्मणे गावाचे उपसरपंच प्रकाश पाटील, वाघोदा येथील ग्रा. पं. सदस्य राहुल पाटील, प्रसाद कापडे, भुषण पाटील, धनराज पाटील, वसंत पाटील, जगदीश पाटील यांच्यासह २०० ते ३०० कार्यकर्त्यांचा प्रवेश आज भारतीय जनता पार्टीच्या जामनेर येथील कार्यकर्त्यांच्या मेळाव्यात करण्यात आला.
