भाजपकडून खोट्या जाहिराती दाखवून दिशाभूल – खा.अमोल कोल्हे

कोल्हे चंद्रकांत पाटील यांच्या प्रचारार्थ जाहीर सभा

बोदवड – शहरातील गांधी चौकात आज राष्ट्रवादी काँग्रेस पार्टीचे पुरस्कृत उमेदवार चंद्रकांत पाटील यांच्या प्रचारार्थ आयोजित सभेत बोलतांना खा.अमोल कोल्हे यांनी भाजप सरकारवर सडकून टीका केली.
यावेळी बोलतांना त्यांनी भाजप सरकार फक्त विकासाच्या खोट्या जाहिराती दाखवून जनतेची दिशाभूल करत असून (बी.जे.पी.) म्हणजे भारी जाहिरात पार्टी असल्याची खिल्ली त्यांनी उडविली.
यापुढे बोलताना त्यांनी सरकारची कर्जमाफी फसवी असून महाराष्ट्रात ५ वर्षात १६ हजार शेतकऱ्यांनी आत्महत्या केल्या आहेत.याला जबाबदार असलेल्या भाजप सरकारवर (३०२) प्रमाणे खुनाचा गुन्हा दाखल का करू नये?असा प्रश्न त्यांनी उपस्थित केला.ही निवडणूक देशाची नाही तर महाराष्ट्राची आहे.त्यामुळे ३७० कलमचा मुद्दा महाराष्ट्राच्या निवडणूकीत का पुढे केला जात आहे? असा सवाल त्यांनी सरकारला विचारला.