भुसावळ(प्रतिनीधी)- शहरातील प्रभाग क्रमांक चारमधील नगरसेवक रविंद्र खरात यांच्या हत्येनंतर या प्रभागासाठी पोटनिवडणूक जाहीर झाली होती मात्र सर्वपक्षीय पदाधिकाऱ्यांनी येथे उमेदवार न देता रविंद्र खरात यांचे चिरंजीव राजकुमार खरात यांना पाठिंबा दर्शविल्याने या जागेवर राजकुमार खरात व्यतिरिक्त कोणीही उमेदवार दाखल न केल्याने त्यांची बिनविरोध निवड करण्यात आली. त्यांच्या निवडीचे पत्र निवडणूक निर्णय अधिकारी रामसिंग सुलाने यांनी त्यांना दिले. यावेळी राजू सुर्यवंशी, नगरसेवक युवराज लोणारी, गटनेता उल्हास पगारे, माजी नगरसेवक संतोष बारसे, नगरसेवक अमोल इंगळे, रवी सपकाळे, दुर्गेश ठाकूर, अँड. निर्मल दायमा आदी उपस्थित होते.
