श्री समर्थ विद्यालयात राजमाता जिजाऊ व स्वामी विवेकानंद जयंती उत्साहात साजरी

जळगांव(प्रतिनीधी)- येथील आव्हाने शिवारातील श्री समर्थ प्राथमिक व माध्यमिक विद्यालयात आज माँ साहेब राजमाता जिजाऊ भोसले, व भारतीय तत्वज्ञानाचा जगभरात प्रसार करणारे, युवकांचे प्रेरणास्थान स्वामी विवेकानंद यांची जयंती साजरी करण्यात आली. यावेळी प्रमुख पाहुणे म्हणून संस्थेचे तथा ग स सोसायटीचे अध्यक्ष मनोज पाटील, शाळेच्या संचालिका प्रतिक्षा पाटील यांनी माँ साहेब राजमाता जिजाऊ भोसले व स्वामी विवेकानंद यांच्या प्रतिमेस पुष्पहार अर्पण करून अभिवादन केले. तसेच शाळेच्या वतीने एक रॅली काढण्यात आली यावेळी शिकलेली आई घरा दाराला पुढे नेई, बेटी बचाव बेटी पढाव असा संदेश देणारे पथनाट्य यावेळी विद्यार्थ्यांनी सादर केले.  त्यामुळे वातावरणात नवचैतन्य निर्माण झाले होते. यावेळी शाळेच्या मुख्याध्यापिका हर्षाली पाटील यांच्या सह वैशाली शिंदे व सर्व शिक्षक शिक्षकेतर कर्मचारी उपस्थित होते.