<
जळगांव(प्रतिनीधी)- दिनांक १९ फेब्रुवारी २०२० सार्वजनिक शिवजयंती निमित्त दिनांक १५फेब्रुवारी ते २० फेब्रुवारी २०२० पर्यंत कार्यक्रमाच्या नवदुर्गा मित्र मंडळ, सदाशिव नगर, श्रीराम माध्यमिक विद्यालय मेहरुण आणि एमआयडीसी परिसर मित्र मंडळ या संयुक्त मंडळातर्फे आयोजित करण्यात येत आहे. त्यात प्रामुख्याने दिनांक १५ फेब्रुवारी रोजी गुरुकुल नगर येथील प्राथमिक शाळेत शालेय साहित्य वाटप, सिव्हिल हॉस्पिटल जळगाव फळ वाटप, १७ रोजी रेल्वे स्टेशन येथे चादर वाटप, १८ रोजी संत तुका मेळावा जळगाव येथे अन्नदान तर दिनांक १९ फेब्रुवारी बुधवार रोजी ठीक चार वाजता भव्य मिरवणूक निघणार आहे तर मिरवणूकीचा मार्ग पुढील प्रमाणे असणार आहे. रेमंड चौफुली, गृह सोसायटी, पाचवी नगर, रामनगर अशोक किराणा, सदाशिव नगर येथून संतोषी माता चौक येथे मिरवणूक समाप्ती करण्यात येईल. दिनांक २० फेब्रुवारी २०२० रोजी रिमांड होम येथे अन्नदान करण्यात येईल. तसेच कार्यक्रम यशस्वितेसाठी माँ भटाई ग्रुपचे प्रदीप पाटील, मिलिंद पाटील, ईश्वर रवी सोनवणे, रियाज पटेल, गौतम वानखेडे, अशोक पाटील आणि निलेश सपकाळे तसेच समस्त एमआयडीसी मित्र परिवार परिश्रम घेत आहेत.
