पाळधी ता.जि.जळगांव(वार्ताहर)- विद्यार्थ्यांना इंग्रजी विषयाची आवड नसल्याने इंग्रजी दिवसेंदिवस कठिण होत आहे. परंतु असलम मन्यार सारख्या शिक्षकांच्या योग्य मार्गदर्शना मुळे इंग्रजी विषयाची भिती कमी होऊन आवड निर्माण होत आहे. असे उद्गार इशरत कुरेशी यांनी मोफत वह्या-पुस्तके वाटपाच्या कार्यक्रमात काढले. यावेळी असलम मन्यार यांनी स्वखर्चातुन गरजू-गुणवंत विद्यार्थ्यांना मोफत वह्या-पुस्तके वाटप केली. मार्गदर्शन करतांना मन्यार यांनी सांगितले की, प्रामाणिक प्रयत्नाने यश मिळते. ध्येय प्राप्ती होईपर्यंत प्रयत्न करणे सोडू नका. तसेच इंग्रजी विषयाची आवड निर्माण होणे आवश्यक आहे, त्यासाठी इंग्रजी लिहण्याचा, बोलण्याचा आणि इंग्रजी वृत्तपत्र वाचण्याचा एक छंद निर्माण करा असे त्यांनी बोलताना सांगितले. अरबिया बी शेख,फैजान शेख, सानिया शेख यांनी मनोगत व्यक्त करून आभार मानले.
