पाळधी – (प्रतिनिधी) – आज दि 12 आँगस्ट 2022 रोजी, इंपिरिअल इंटरनॅशनल स्कूल मार्फत विधार्थ्यांची ‘हर घर तिरंगा- घर घर तिरंगा ‘ हया मोहिमे अंतर्गत तिरंगा रँली काढण्यात आली. स्वातंत्र्याचे 75 वर्ष पूर्ण होत असल्यामुळे संपूर्ण भारतभर स्वातंत्र्याचा अमृतमहोत्सव साजरा करण्यात येत आहे.
या निमित्ताने आज पाळधी गावात इंपिरिअल इंटरनॅशनल स्कूल तर्फे ‘हर घर तिरंगा…घर घर तिरंगा ”या मोहिमेअंतर्गत गावात घराघरावर तिरंगा ध्वज फडकवला जावा, यासाठी विद्यार्थ्यांनी हातात तिरंगा, बॅनर व घोषणा देत, देशभक्ती पर गीत गात जनजागृती केली. या रँलीत शाळेचे अध्यक्ष इंजि. नरेश चौधरी, पाळधी येथील सरपंच श्री. प्रकाश पाटील, यांनीही सहभाग नोंदविला. या प्रसंगी शाळेतील शिक्षक, शिक्षकेतर कर्मचारी सह 800 विद्यार्थी सहभागी झाले होते.
