धरणगाव-(धर्मेश पालवे)-तालुक्यातील दोनगाव या गावी स्वस्त धान्य दुकानाच्या वाटपात होणाऱ्या तक्रारी बाबत सत्यमेव जयते ने दि.५ रोजी बातमी प्रसारित केली होती. सदर स्वस्त धान्य दुकानाबात माहिती घेतली असता राशन वाटप करणारे संदीप पाटील यांनी सत्यमेव जयते ला ” सदर बातमी बाबत अधिक माहीती हवी असल्यास चेअरमन राजेंद्र पाटील यांच्याशी संपर्क करा असे सांगितले होते. परंतु राजेंद्र पाटील हे चेअरमन असल्याची चुकिची माहिती प्रतिनिधीला देण्यात आली होती.
सविस्तर अधिक असे की, राजेंद्र पाटील यांनी सत्यमेव जयते शी संपर्क साधत सदर बाबी चा खुलासा करतांना की, “मी गेल्या सहा महिन्यांपासून या विकास सोसायटीच्या चेअरमन पदी कार्यरत नसुन, या स्वस्त धान्य दुकानाशी काही एक सबंध नाही, व सदर दुकानावर प्रशासक बसले आहे. यात संदीप पाटील यांनी चुकीचे माहिती दिली आहे” असे सांगितले. तसेच अशा तक्रारी राजकीय द्वेषातून होत असल्याचे देखील त्यांनी सांगितले.
