जळगाव(प्रतिनिधी)- विद्यार्थ्यांच्या सुप्त कलागुणाना वाव मिळावा यासाठी प्रगती विद्यामंदिर शाळेत विविध उपक्रमांचे आयोजन व नियोजन केले जाते.यातीलच वैयक्तिक गीत गायन स्पर्धा या स्पर्धेत विद्यार्थ्यांनी कर चले हम फ़िदा जान वतन साथियो, हे राम, ऐराणीच्या देवा तुला असे विविध भावगीत, भक्तिगीत, देशभक्तिपर गीत या उपक्रमाचे आयोजन व नियोजन मुख्याध्यापक शोभा फेगडे, शिक्षक मनोज भालेराव, रमेश ससाने व पंकज नन्नवरे यांनी केले. स्पर्धेचे परीक्षक म्हणून शोभा फेगड़े, ज्योती कुलकर्णी व वैशाली चौधरी यानी काम पाहिले. या कार्यक्रमाचे सूत्रसंचालन अविदीप पवार तर आभार अलका करणकर यांनी केले. या कार्यक्रमच्या यशस्वीतेसाठी शिक्षक संध्या अट्रावलकर, विजया पाटिल, रत्नप्रभा पवार तसेच शिक्षकेतर कर्मचारी विजय चव्हाण यांनी परिश्रम घेतले.
