शिवछत्रपती क्रीडा संकुल, बालेवाडी पुणे येथील क्रीडाप्रबोधिनीत फुटबॉल खेळासाठी नाशिक येथे निवड चाचणीचे आयोजन
जळगाव (जिमाका वृत्तसेवा) दि. 16- शिवछत्रपती क्रीडा संकुल, बालेवाडी पुणे येथील क्रीडाप्रबोधिनीत फुटबॉल या खेळाच्या प्रशिक्षण व संघ उभारणी करणेकरीता नव्याने खेळाडुंची भरती करण्यासाठी वयोगट 14 ते 16 वर्षातील खेळाडुंच्या विभागनिहाय निवड चाचणीचे आयोजन करण्यात येणार आहे. तरी नाशिक विभागीय निवड चाचणीचे आयोजन दिनांक 21 व 22 जुन, 2022 रोजी सकाळी ठक 7.00 वाजता विभागीय क्रीडा संकुल हिरावाडी, पंचवटी नाशिक येथे करण्यात आलेले आहे. त्यानुसार सदर चाचण्याकरिता 14 वर्षातील खेळाडुंची जन्म तारीख दिनांक 1 जानेवारी, 2009 ते 1 जानेवारी, 2013 या दरम्यान व उंची 158 सेमी तसेच 16 वर्षातील खेळाडुंची जन्म तारीख दिनांक 1 जानेवारी, 2006 ते 01 जानेवारी 2008 या दरम्यान व उंची 165 सेमी असावी.
सदर निवड चाचणीत सहभागी होणाऱ्या खेळाडुंची निवड चाचणीचे निकष
१)खेळाडुची उंची, 2) शारिरीक क्षमता, 3) कौशल्य चाचणी 4) खेळातील कामगिरी असे असेल तसेच सदर चाचण्यांमध्ये सहभागी होणाऱ्या फक्त खेळाडुंची निवास व्यवस्था करण्यात येणार असुन प्रवास व भोजन खर्च स्व:ता करावयाचा आहे. तरी जिल्ह्यातील सदर चाचण्यासाठी सर्व खेळाडुंनी नाशिक येथे जातांना जन्मदाखला आवश्यक असुन व क्रीडा कामगिरीबाबत कागदपत्रे ( क्रीडा प्रमाणपत्रे) असल्यास सोबत घेवून जावे. अधिक माहितीसाठी श्री मिनल थोरात ( राज्य क्रीडा मार्गदर्शक) 8625946709 यांचेशी संपर्क साधावा, असे आवाहन जिल्हा क्रीडा अधिकारी श्री मिलिंद दिक्षित यांनी एका प्रसिध्दी पत्रकान्वये कळविले
