नाशिक : राष्ट्रीय लसीकरण दिनानिमित्त इंडियन रेडक्रॉस सोसायटी, नाशिक जिल्हा शाखा संचलित लसीकरण केंद्रामध्ये प्रश्नमंजुषा, लसीकरणा बाबत उद्बोधनपर व्याख्यान, रेडक्रॉस च्या वैविध्यपूर्ण कार्याचा परिचय आदी उपक्रमांचे आयोजन करण्यात आले. रेडक्रॉस चे बालरोगतज्ज्ञ डॉ. नितिन बिर्ला यांनी लसीकरणासंबंधी सविस्तर माहिती दिली. वैद्यकीय अधिकारी डॉ.प्रतिभा औंधकर संचलित प्रश्नमंजुषा स्पर्धेत लसीकरणावर आधारित प्रश्न उपस्थित माता आणि श्रोत्यांना विचारण्यात आले. अचूक उत्तरे देणाऱ्या कविता भानोसे, पूजा भागवत, तन्वी जैन आदी महिलांना प्रमुख अतिथी मनपा वैद्यकीय अधिकारी डॉ.रीना ढिकले यांच्या हस्ते गौरवण्यात आले. रेडक्रॉस सचिव मेजर पी.एम.भगत यांच्या संकल्पनेतून आयोजित या कार्यक्रमाच्या यशस्वितेसाठी पुष्पांजली गायकवाड, गार्गी डगळे, प्रियांका खैरनार, मंगला कस्तुरे, जयश्री कुलथे आदींनी प्रयत्न केले.
छायाचित्र : राष्ट्रीय लसीकरण दिनानिमित्त नाशिक रेडक्रॉस च्या वतीने आयोजित प्रश्नमंजुषा स्पर्धेच्या विजेत्यांसमवेत डॉ.रीना ढिकले, डॉ.नितिन बिर्ला , डॉ.प्रतिभा औंधकर आदी मान्यवर दिसत आहेत.
