प्रशिक्षण दि. ०१ जुलै २०२६ ते दि. १० सप्टेंबर २०२६ या कालावधीत एकूण ५० दिवस चालणार असून प्रशिक्षणामध्ये लेखा, वित्त तसेच शासनाच्या विविध संगणक प्रणालींविषयी सविस्तर मार्गदर्शन करण्यात येणार आहे.
प्रशिक्षणाचा निश्चित तपशीलवार अभ्यासक्रम जिल्हा कोषागार कार्यालय, नाशिक, धुळे, जळगाव, अहिल्यानगर व नंदुरबार येथे माहितीसाठी उपलब्ध करून देण्यात आला आहे.
या प्रशिक्षण सत्रासाठी इच्छुक शासकीय कर्मचाऱ्यांना प्रवेश देण्यात येणार असून प्रशिक्षणासाठीचे आवेदन पत्र व शिफारस पत्र दि. २५ जून २०२६ पर्यंत लेखा व कोषागारे कार्यालयास सादर करावे, असे आवाहन करण्यात आले आहे.
सर्व शासकीय कार्यालयांतील इच्छुक तसेच नवनियुक्त कर्मचारी यांना संपूर्ण ५० दिवसांच्या अभ्यासक्रमासाठी प्रवेश घेता येणार आहे. तसेच पूर्णवेळ प्रशिक्षणासाठी उपस्थित राहणे शक्य नसल्यास विशिष्ट मॉड्युलनिहाय प्रवेश घेण्याची सुविधाही उपलब्ध करून देण्यात आली आहे.
नाशिक विभागातील नाशिक, धुळे, जळगाव, अहिल्यानगर व नंदुरबार जिल्ह्यातील सर्व शासकीय कार्यालय प्रमुखांनी त्यांच्या अधिनस्त लिपीक वर्गीय कर्मचाऱ्यांना प्रशिक्षणासाठी पाठवावे, असे आवाहन लेखा व कोषागारे, नाशिक विभागाचे सहसंचालक बाबुलाल द. पाटील, सहसंचालक यांनी केले आहे.
