जळगांव(प्रतिनिधी)- जागतिक बेघर दिनानिमित्त सीवायडिए सामाजिक संस्थेमार्फत सावली निवारा केंद्र,पिंपरी येथे केंद्रातील बेघर लोकांसाठी रोजगाराचा विचार करून युथ एड फाउंडेशन मार्फत अगरबत्ती प्रशिक्षण देऊन सावली अगरबत्ती व्यवसायाच्या युनिट चे उदघाटन करण्यात आले.
या प्रसंगी पिंपरी चिंचवडचे नगरसेवक शीतल शिंदे, राष्ट्रवादीचे सरचिटणीस अक्षय माचरे व सीवायडीएचे प्रिया कोठारी, राहुल गरुड, कौस्तुभ भामरे, मिताली मॅडम, स्वयंसेवक शलमोन व सावली केंद्राचे श्री. हुसेन हे उपस्थित होते. सदर कार्यक्रमामध्ये सावली निवारा केंद्रातील लाभार्थीनी विविध कलागुणांचे सादरीकरण केले. तर प्रिया कोठारी यांनी रोजगराबाबत मार्गदर्शन केले.
