<
जळगांव(प्रतिनिधी)- धनाजी नाना चौधरी विद्या प्रबोधिनी संचलित,लोकसेवक मधुकरराव चौधरी समाजकार्य महाविद्यालय,जळगांव येथील प्रा.डॉ.नितीन बडगुजर यांना दि.१सप्टेंबर रोजी लातुर येथील मानवविकास राज्यस्तरीय पुरस्काराने सन्मानित करण्यात आले. हा पुरस्कारासाठी त्यांनी जळगांव जिल्ह्यातुन विविध शिक्षण क्षेत्रातील उत्कृष्ठ, उल्लेखनिय तथा विद्यार्थी विकासाभिमुख कार्य करणारे शिक्षक, प्राध्यापकांची जाहिरात देवुन माहिती मागविली होती. त्या सर्व प्रक्रियेतुन जळगांव शहरातुन प्रा. डॉ.नितीन बडगुजर यांची निवड झाली व ऑगस्ट माह च्या द्वितीय सप्ताहात त्यांना या पुरस्काराचे निमंत्रण देण्यात आले होते.दिनांक १सप्टेंबर ला लातुर येथे राज्यस्तरीय मानवविकास या पुरस्काराने प्रा.डॉ.बडगुजर यांना गौरविण्यात आले. धनाजी नाना चौधरी विद्याप्रबोधिनी जळगांव या संस्थेचे अध्यक्ष मा.शिरिषदादा चौधरी, उपाध्यक्ष मा. सुनिल पाटील, सचिव तथा डि. एन.फैजपुर महाविद्यालय येथील प्राचार्य डॉ. पी. आर.चौधरी आणि सर्व सन्माननीय संचालक यांनी हे वृत्त कळताच बडगुजर सरांचे कौतुक केले. महाविद्यालयाचे प्राचार्य डॉ. वाय. जी. महाजन तथा सर्व प्राध्यापक, शिक्षकेतर कर्मचारी यांनी देखिल बडगुजर सरांचे कौतुक करुन अभिनंदनपर भावना व्यक्त केल्या.
