भडगाव(प्रतिनिधी)- कर्मवीर तात्यासाहेब हरी रावजी पाटील किसान शिक्षण संस्था भडगाव संचलित टी. आर. पाटील विद्यालय व कनिष्ठ महाविद्यालय वडजी या शाळेत सोमवार रोजी 15 ते 18 वयोगटातील विद्यार्थी व विद्यार्थिनींसाठी लसीकरणा ची मोहीम यशस्वी करण्यात आली. यावेळी एकूण १३० विद्यार्थ्यांना लस देण्यात आली या कार्यक्रमाच्या अध्यक्षस्थानी संस्थेचे चेअरमन आदरणीय नानासाहेब प्रतापराव हरी पाटील हे होते. प्रातिनिधीक स्वरूपात नानासाहेब प्रतापराव हरी पाटील उपस्थितीत विद्यार्थ्यांना लसी देण्यात आल्या. कार्यक्रमाचे सुत्रसंचालन वाय.ए.पाटील यांनी केले.
लसीकरणासाठी पिंपरखेड आरोग्य केंद्राचे आरोग्य अधिकारी डॉ. प्रतिक भोसले यांचे सह त्यांची टिम आरोग्य सेवक हंसराज महाजन, आरोग्य सेवक संजय सोनार कळवाडीकर, आरोग्य सेविका भारती हरणे, आशा स्वयंसेविका चित्रा पाटील, ज्योती पाटील, संगिता कुंभार, आशा सोनार आणि मदतनीस धुपाबाई नेरपगार यांनी लसीकरण मोहिम पार पाडली. यावेळी शाळेचे प्राचार्य ए.एस. पाटील, वरिष्ठ शिक्षक एस.जे. पाटील, यांचे सह सर्व शिक्षक आणि शिक्षकेतर कर्मचारी बंधू भगिनी हजर होते.