<
भडगाव(प्रतिनिधी)- दिनांक ८ व ९ जानेवारी रोजी सु. गि.पाटील माध्यमिक शाळेच्या १९९३-९४ च्या इ. १० वी बॅचचा स्नेह – मिलनाचा कार्यक्रम शगुन रेसॉर्ट इगतपुरी येथे पार मोठ्या उत्सहात पार पडला. या स्नेह मिलनाच्या कार्यक्रमात विद्यार्थी व विद्यार्थिनी असे एकुण २४ जण आले होते.
जुन्या आठवनींना उजाळा देत असताना आपली शाळा आणि आपले बॅचमेट यांच्या काही अडचणी त्यात बॅचमेट म्हणुन आपण काही मदत करू शकतो का? या संदर्भात बराच वेळ चर्चा चालली या चर्चेत सर्वांनी स्फुर्तीने भाग घेतला, त्याच बरोबर या कार्यक्रमासाठी जे इच्छा असुन का येऊ शकले नाही या विषयावरही मंथन झाले. एकंदरीत खुप खेळीमेळीच्या आणि उत्साहाच्या वातावरणात हे स्नेह – मिलन पार पडले या स्नेह – मिलनाच्या यशस्वितेसाठी सर्वांनीच आपापल्या परीने प्रयत्न केले. पुढील स्नेह- मिलन या पेक्षाही उत्साहात तसेच सर्वसमावेशक करू असा विश्वास कायम ठेवत सर्वांनी एकमेकांना निरोप दिला.
