जळगाव, दि.17 (जिमाका) : महामानव भारतरत्न डॉ. बाचासाहेब आंबेडकर यांच्या जयंतीचे औचित्य साधत जिल्हा जात प्रमाणपत्र पडताळणी समित्ती जळगांव या कार्यालयातर्फे समता सप्ताहाचे आयोजन करण्यात आले आहे. १४ एप्रिल २०२६ ते २० एप्रिल २०२६ या फालावधीत सामाजिक समता सप्ताह आयोजित करण्यात आला आहे.
समता सप्ताहमध्ये वर्ग १२ वी विज्ञान शाखेतील २०२५-२६ मधील सर्व प्रवेशीत मागासवर्गीय विदयार्थ्यांना जात वैधता प्रमाणपत्र मिळण्यासाठी विशेष मोहिम राबविण्यात येणार आहे.
या मोहिमेदरम्यान विज्ञान शाखेतील प्रवेशीत सर्व मागासगवीय (अनु. जाती. विजाभज, इमाव व विमाप्र.एस.ई.वी.सी. प्रवर्ग) विदयार्थ्यांची जात पडताळणी प्रकरणे तालुका व महाविदयालय निहाय संख्यात्मक माहिती, समान संधी केंद्रांच्या माध्यमातून महाविद्यालय तसेच जिल्हास्तरावर संकलित करण्यात येणार आहेत.
समान संधी केंद्रांच्या माध्यमातून अर्ज भरून घेणे, मार्गदर्शन व आवश्यक कागदपत्रांची पूर्तता करण्यात येणार आहे. तसेच सीईटी, नीट, गेट परीक्षा देणारे तसेच डिप्लोमा व डी.फार्मसी अभ्यासक्रमातील विद्यार्थ्यांसाठी ऑनलाईन अर्ज भरण्याबाबत वेबिनारचे आयोजन करण्यात येणार आहे. विद्यार्थ्यांना येणाऱ्या अडचणी दूर करण्यासाठी विशेष सहाय्य उपलब्ध करून देण्यात येणार आहे.
याशिवाय दि. १७ एप्रिल २०२६ तसेच २० ते २१ एप्रिल २०२६ या कालावधीत त्रुटी पूर्तता मोहिम राबविण्यात येणार आहे. प्राप्त अर्जांवर तात्काळ कार्यवाही करून जात वैधता प्रमाणपत्र देण्याचे नियोजन करण्यात आले आहे.
जिल्ह्यातील पात्र विद्यार्थ्यांनी आपापल्या महाविद्यालयामार्फत परिपूर्ण अर्ज सादर करून या मोहिमेचा लाभ घ्यावा, असे आवाहन संशोधन अधिकारी तथा सदस्य सचिव श्रीमती एन. एस. रायते यांनी प्रसिद्धीपत्रकाद्वारे केले आहे.
