<
चोपडा-(प्रतिनिधी) – जळगाव येथील नेहरू युवा केंद्र संगठन यांच्या वतीने तालुका समन्वयक निलेश बाविस्कर आणि आकाश कोळी यांनी चोपडा या ठिकाणी आज दिनांक 24 फेब्रुवारी रोजी पडोस युवा संसद कार्यक्रमाचे आयोजन करण्यात आले. सदर कार्यक्रम हा अमरसंस्था संचालित आदिवासी मुलांचे वसतिगृह वेले इथे संपन्न झाला. कार्यक्रमाची सुरुवात स्वामी विवेकानंद आणि महात्मा गांधी यांचे प्रतिमा पूजन करून करण्यात आली.
कार्यक्रमाचे अध्यक्ष श्री. व्ही. पी.चौधरी सर (माध्यमिक उपशिक्षक कन्या विद्यालय चोपडा)होते. त्यांनी युवकांना निर्मल भारत स्वच्छ भारत विषयावर उजेड टाकत सांगितले की स्वच्छतेची सुरुवात घरापासून करावी. आई स्वच्छतेची प्रतीक असते.मनापासून आपले घर आणि दार स्वच्छ ठेवत असते आणि कुणाला बोलत पण नाही.ह्या विचारातून आपण स्वयं स्वच्छता अंगिकारली पाहिजे.आणि स्वच्छता करण्यास आपण शाब्दिक नको तर कृतीतून सहभाग घ्यावा.तसेच त्यांनी मुंबई मनपा आयुक्त यांचेकचरा व्यवस्थापन चे उदाहरण दिले. गड किल्ले स्वच्छता याची माहिती आणि उदाहरण दिली.
पुढील कार्यक्रम 1 दिवसीय शिबिर स्वरूपात असतो.एकूण चार व्याख्याते होते. नंतर श्री. राजेश चौधरी सर (उपशिक्षक संर गुरुंजी विद्यालय वडती) यांनी युवकांना जलयुक्त शिवार तसेच एक भारत श्रेष्ठ भारत या दोन विषयांवर सखोल मार्गदर्शन केले.तसेच श्री.मयुरेश्वर रोहिदास सोनवणे (उपशिक्षक बालमोहन विद्यालय चोपडा) यांनी बेटी बचाओ बेटी पढाओ हा विषय युवकांना समजावून सांगितला त्यांचे समाजावरील परिणाम आणि महत्व अधोरेखित केले.
कार्यक्रमाला शेषराव पाटील( संचालक अमरसंथा वसतिगृह वेले) निलेश पाटील जितेंद्र पाटील यांचे अनमोल सहकार्य लाभले. कार्यक्रमाची सांगता आभार प्रदर्शन आणि वंदे मातरम ने करण्यात आली.
